“A writer is someone for whom writing is more difficult than it is for other people.” ― Thomas Mann

Archive for the ‘கதம்பம்’ Category

பொங்கல் நல்வாழ்த்துக்கள்

தோழமைகள் அனைவருக்கும் என் உளம் கனிந்த பொங்கல் நல்வாழ்த்துக்கள்.

 

சூரிய பகவானுக்கு நன்றி சொல்லும் அதே நேரத்தில் இத்தனை சிரமத்திலும், இயற்கை இடர்பாடுகளிலும் அயராது பாடுபட்டு உலகுக்கு உணவளிக்கும் வேளாண்மக்களுக்கு  என் நன்றிகள்.

தை மாசம் பொறந்துடுச்சு தில்லே லே லேலோ

பொங்கப் பானை வைக்கப் போறோம் தில்லே லே லேலோ

கதிரை எல்லாம் அறுத்துபுட்டோம் தில்லே லே லேலோ

எங்க கவலைகளை தொரத்தப் போறோம் தில்லே லே லேலோ

கரும்புகளை வாங்கி வந்து தில்லே லே லேலோ

நாங்க கடிச்சுத் தின்னு மகிழப் போறோம் தில்லே லே லேலோ

என்று பொங்கல் கொண்டாடத் தயாராயிட்டோம். இந்த சமயத்தில் நான் கேள்விப்பட்ட, பொங்கல் சம்பந்தமாக சொல்லப்படும் அழகான ஒரு நாட்டுப்புறக் கதையை உங்களுடன் பகிர்ந்து கொள்கிறேன்.

பொன்னிவள நாட்டின் ராஜா ராணிக்கு வாரிசு இல்லை என்ற  கவலை வாட்டுகிறது. இருவரும் இறைவனை மனமுருக வேண்டுகிறார்கள். ராணி தாமரையின் பக்திக்கு மெச்சிய விஷ்ணு பகவான், கணவன் மனைவி இருவரையும்  கைலாசத்துக்கு சென்று சிவனிடம் உபாயம் கேட்குமாறு யோசனை  சொல்கிறார். ராஜாவும் ராணியும் சிவனை  சந்திக்க பயணம் மேற்கொள்கிறார்கள். அது என்ன அவ்வளவு சாதாரணமா….. காடு மலை வனாந்திரம் தாண்டிய நெடும்பயணம். ராஜாவுக்கோ  நடக்கவே முடியவில்லை. நாட்டிற்கே திரும்பி சென்றுவிடலாம் என்று மனைவியை நச்சரிக்கிறார். ஆனால் மனஉறுதி கொண்ட தாமரையோ விடாப்பிடியாக பயணத்தைத் தொடர்கிறார். இடையில் நடக்க முடியாது சிரமப்பட்ட ராஜாவை முதுகில் சுமந்தே  நடக்கிறார். கைலாயம் செல்லும் வாயிலில் கணவனை அமரவைத்துவிட்டு வளர்ந்து செல்லும் உயரமான படிகளில் நடந்து கைலாயத்தை அடைகிறார்.

சிவனோ சூரியனுக்கு மிக அருகில் இருக்க, அங்கே இருக்கும் தூணில் ஏறி பஞ்சாட்சரனின் பார்வை படும் இடத்தில் கைகூப்பி மண்டியிட்டவாறே அமர்ந்து கொள்கிறார் . சூரியனின் வெப்பம் கொளுத்த அதைப்  பொருட்படுத்தாது சிவனின் கருணைப் பார்வைக்காக இருபத்தியோரு வருடங்கள் அங்கேயே அமர்ந்திருக்கிறார் தாமரை. கடைசியில் முக்கண்ணனின் மனம் இளகி கருணைக் கண் திறக்கிறது. மகாராணியின் ஆசைப்படி அவர்களுக்கு இரண்டு ஆண் மகவுகளும் ஒரு பெண் மகவும் அருளுகிறார். தாமரையோ அத்துடன் மட்டும் சந்தோஷப்பட்டுவிடாமல் தனது நாட்டில் உள்ள அனைவருக்கும் குறைவற்ற வளத்தையும் மக்கட்செல்வத்தை வழங்கும்படி வேண்டுகிறார். சிவபெருமானும் ஒரு சிறிய பானை வடிவிலிருக்கும் கூஜாவில் குறைவற்ற அமிர்தத்தை வழங்கி அதை அனைவருக்கும் தரும்படி சொல்கிறார். தாமரையும் நாடு திரும்பியவுடன் அனைவருக்கும் அதிலிருந்து பொங்கி வந்த அமிர்தத்தை அனைவருக்கும் தருகிறார். அதன் நினைவாகவே பானையில் அரிசியையும் பாலையும் பொங்கச் செய்கிறோம். அதனை அனைவரும் உண்ணுகிறோம் என்று சொல்கிறது இந்த நாட்டுப்புறக்கதை.

ஆக கதை என்னவாக இருந்தாலும் நோக்கம் பொங்கல் நன்நாளின் குறிக்கோள் அனைவரின் வாழ்விலும் இன்பத்தையும் வளத்தையும்  பொங்கச் செய்வதே.

வண்ண வண்ண பொங்கப் பானை வாங்கி வைச்சோமே

அதில் மஞ்சள் கொத்தும் இஞ்சிக் கொத்தும் கட்டி வச்சோமே

பச்சரிசி வெல்லம் போட்டுப் பொங்க வச்சோமே

பால் பொங்கல் பொங்கி வந்தது குலவையிட்டோமே

தைப்பொங்கல் வந்ததம்மா தந்தினத்தின்னானே

தமிழ் திருநாள் வந்ததம்மா தந்தினத்தின்னானே

 

 

 

 

Advertisements

சிரிப்பு வருது 4

கீழ வர கட்டுமானமெல்லாம் பார்த்தாலே கண்ணைக் கட்டுது.

ரோட்டில் போட வேண்டிய ஸ்பீட் பிரேக்கரை  எதுக்குப்பா பிளாட்பார்மில் போட்டிங்க? சல்மான்கானுக்கா

sidewalk

 

அடக்கடவுளே…. தண்டவாளத்திலும் இந்த கதைதானா…. must be  closed rail tracks. இதெல்லாம் உபயோகத்தில் இல்லாத ட்ராக்காக இருக்கும்னு நம்புவோம்.

railway

traintrack

மரத்தைக் காப்போம் சரி. நெடுஞ்சாலைத் துறையை நம்பி பயணம் செய்யும் மக்களின் உயிரையும் கொஞ்சம் நினைத்துப் பார்க்கலாமே.

roadfail

treeroad

 

எந்த ஸ்டேஷன் கடிகாரம் இது? ஒரு மணி நேரத்துக்கு எத்தனை நிமிஷம்னு இவங்களுக்கு தெரியுமா

traintiming

சிரிப்பு வருது 3

எஞ்சினியரிங்கெல்லாம் தொலைதூரக் கல்வியா படிச்சிருப்பாங்களோ.

இதுக்கு பேன வாங்காம ரெண்டு பனையோலை விசிறி வாங்கிருக்கலாம்.

jugaadfail

 

genius

projector

 

அடுத்து கட்டுமானத் துறையில் செய்த மகா  தவறுகள் .

பாதி மாடி ஏறிட்டு, அப்பாலக்கா  ஒரு ஜம்ப் பண்ணி லேன்ட் ஆகணும். அதுக்கப்பறம் மீதி படி ஏறணும். அவ்வளவுதான்.

Architecturefail

படியே ஜம்ப் பண்ணி ஏறுறவங்க இத்தை அட்ஜஸ்ட் பண்ணிக்க மாட்டிங்களா?

architect

இந்த வீட்டுக்கு இந்த ரெண்டு மாடல் வாஷ்பேசின்ல ஒண்ணுதான் கிடைக்கும்.

basin\plumberfail

 

இவ்வளவையும் அஜிஸ்ட் பண்ணுற பொதுஜனம் இத்தையா கேள்வி கேக்க போது

challange

 

toilet

 

பாவம் கதவு கட்ட மறந்துட்டாங்க.

 

சிரிப்பு வருது 2

நாங்கெல்லாம் வில்லேஜ் விஞ்ஜானி பாஸு. சொன்னா நம்பமாட்டிங்கிறிங்கன்னு படமாவே போட்டுட்டோம்.

சிலிண்டர் பாதி சமையல்ல தீர்ந்து போச்சாம்

pressuercooker

ஆயிரம் ரூபாய் செலவில் ஒரு அருமையான காப்பி மெஷின்

coffeemachine

எம்மா கண்ணுங்களா ஹேர் அயர்னிங்கை நீங்க புரிஞ்சுகிட்ட விதம் ரொம்பத் தப்பு.

ironhair

இந்த மாதிரி ஒரு ஈஸி ஷவர் வேற எங்கயாவது பாத்ததுண்டா

showermachine

கண்டுகினியா ஒரே ஏஸியை ரெண்டு ரூமுக்கும் இப்படித்தான்  யூஸ்  பண்ணனும்

airconditioner

நானோவுக்கு டப் காம்படிஷன்

meanwhile

multipirposecar

 

சிரிப்பு வருது 1

சில படங்கள் நீங்கள் சிரிக்க சிந்திக்க

பொருத்தமான பெயர்.

drunkpeople

காரை எப்படி  வெளில எடுத்திருப்பார்?

parkingfail

இதுவும் கார் சமாச்சாரம்தான். பறந்து பறந்து ஓட்டிருப்பாரோ

carflies

பயபுள்ளக்கு  அதிர்ஷ்டம் ஒரு தடவை கதவைத் தட்டிருக்கு. அத்தப் போயி இன்னொரு தபா டெஸ்ட் பண்ணிருக்கு….

karma

விநாயகர் சதுர்த்தி செய்திகள் – 2

விநாயகர் சதுர்த்தி சந்தோஷம் தரும் விஷயம் என்றாலும், அதன் பின் சிலையை ஆற்றிலோ கடலிலோ இல்லை நீர்நிலையிலோ கரைக்கிறோம். தற்காலத்தில் அழகுக்காக சேர்க்கப்படும் செயற்கை சாயங்களும், பிளாஸ்டர் ஆப் பாரிஸும் கரைவேனா என்று அடம்பிடித்து சுற்றுச் சூழலை மாசு படுத்துகின்றன. இந்த வருடம் இதை மனதில் கொண்டு சிலர் கொண்டாடிய விதத்தைப் பற்றிப் பார்ப்போம்.

நவி மும்பையின் அக்ரோலி கிராமத்தில் நூறு குடும்பங்கள் சேர்ந்து ஒரே விநாயகர் சிலையை வைத்து வழிபடுகின்றனர். இது ஐம்பத்தி ஐந்து வருடங்களாக நடக்கிறதாம். கணேஷ சதுர்த்திக்காக கடன்வாங்கி கஷ்டப்படுவதைத் தடுக்க கிராம மக்கள் செய்த ஏற்பாடாம் இந்த கூட்டு வழிபாடு.

பெங்களூரில் பொறியியல் துறையில் பணிபுரியும் சஷி ஷா சுற்றுப்புற சூழ்நிலை மாசுபடுவதைத் தடுக்க, வர்ணங்கள் எதுவும் பூசப்படாத இயற்கையான  களிமண் பிள்ளையார் சிலைகளை தயாரித்து விற்கிறாராம். ஆனால் விலை நானூறு ரூபாயிலிருந்து ஆரம்பிக்கிறது. ஒரு வாரத்துக்குப் பின்னர் வீட்டிலிருந்து விநாயகர் சிலையை வாங்கிச் சென்று இவர்களே கரைத்து விடுகிறார்களாம்.

The idols are made only with clay and no colour is used.\

பெங்களுரை விட இன்னும் ஒரு படி மேலே சிந்தித்த மும்பையின் ஆனந்த், விநாயகர் உருவத்தின் உள்ளே மீன்கள் உணவை அடைத்து விற்பனை செய்கிறாராம். கலருக்கு மஞ்சள், அரிசிமாவு, குங்குமம் போன்ற கெடுதல் விளைவிக்காத இயற்கை பொருட்களையே பயன்படுத்தி செய்திருக்கிறாராம். இதற்கு பலத்த வரவேற்பாம். ஆக மும்பை கடலில் நீந்தும் மீன்கள் கூட இனி ஆவலாய் விநாயகர் சதுர்த்தியை எதிர்பார்க்கும்.

விநாயக சதுர்த்தி செய்தி – 1

ஷாரதா கேட்ட மாதிரி நவராத்திரி ஸ்பெஷல் உண்டோ இல்லையோ நான் படிச்ச  விநாயகர் சதுர்த்தி செய்திகளை உங்க கிட்ட பகிர்ந்துகிறேன்.

12042774_898470626873412_116968633211130024_n

முதலில் நாம் பார்க்கப் போவது ‘ரிந்து கல்யாணி ரத்தோட்’ எனும் மும்பை பெண்மணி கணேஷ சதுர்த்தியைக் கொண்டாடும் விதம். கேக் மற்றும் பேக் செய்வதில் கைதேர்ந்த இவர் ‘ரினி பேக்ஸ்’ எனும் கேக் தயாரிக்கும் நிறுவனம் ஒன்றை நடத்தி வருகிறாராம். இந்த வருடத்தில் ஸ்பைடர்மென், பாஹுபலி என்று பல அவதாரம் எடுத்த பிள்ளையார் இவரது கைவண்ணத்தில் சாக்லட்டில் வடிவமைக்கப் பட்டார். இந்த சிலையை முப்பத்தி ஐந்து கிலோவில்  வடிவமைக்க இவருக்கு ஐம்பது மணி நேரமானதாம்.

ஸ்பெஷலா போடுற அளவுக்கு இதில் விஷயமில்லையே என்று சொல்லும் நண்பர்களுக்கு. இந்த சிலையை விநாயக சதுர்த்தி முடிந்தவுடன் கடலில் கலப்பதில்லை. பதிலுக்கு பாலில் கரைத்து, நூற்றுக்கணக்கான  ஏழை குழந்தைகளுக்கு இலவசமாக சாக்லேட் மில்க் என்று தருகிறார்.

உங்களின் நல்ல மனசுக்கு உங்க வாழ்க்கையும் சாக்லெட் மில்க் போல இனிப்பான இருக்கட்டும் ரிந்து.